Nagsagawa ng isang produktibong exploratory meeting kamakailan ang Authority of the Freeport Area of Bataan (AFAB) at Philippine Economic Zone Authority (PEZA) upang pag-usapan ang mga estratehiya sa pagpapalawak ng ecozones sa Bataan at mas epektibong pamamahala sa mga ito, alinsunod sa Republic Act No. 11453 na nagpapalawak ng mandato ng AFAB.

Pinangunahan ang dayalogo ng AFAB bilang bahagi ng kanilang inisyatiba na muling suriin ang framework ng expansion sa buong lalawigan, at humingi ng technical guidance mula sa PEZA upang i-benchmark ang best practices sa ecozone management, na layuning umayon sa pambansang prayoridad sa pamumuhunan. Mahalaga ang papel ng pakikipag-ugnayan sa PEZA bilang pangunahing ahensya sa ecozone development sa bansa.

Ipinahayag ng parehong ahensya ang kanilang hangarin na palakasin ang inter-agency collaboration, lalong-lalo na sa larangan ng zone compliance, legal na istruktura, utility regulation, at operational governance. Ang pagpupulong ay isang hakbang tungo sa mas transparent, responsive, at growth-driven na serbisyo para sa mga mamumuhunan at mga lokal na komunidad.

The post AFAB, PEZA nagpulong para sa mas pinalawak na ecozone developments appeared first on 1Bataan.